პრემიუმ სალათის ფოთოლი მინდვრიდან

მინდვრები, სანერგე და საწარმო ერთ ტერიტორიაზეა — რუისში, ქარელის მუნიციპალიტეტში, შიდა ქართლში. აქედან ვაკონტროლებთ მთელ ციკლს: ჩითილიდან მოკრეფამდე და შეფუთვიდან მიწოდებამდე.

პარტნიორებს სურვილის შემთხვევაში ადგილზე ვიწვევთ — შეგიძლიათ ნახოთ მინდვრები, ცეხი და სამაცივრე საწყობი რეალურ პირობებში.

არა. ჩვენი აგროტექნიკა საერთოდ არ მოიცავს ქიმიურ წამლებსა და ზრდის სტიმულატორებს. ნიადაგის მოვლა, წვეთოვანი მორწყვა და ბიოლოგიური დაცვა ჩვენი ძირითადი მეთოდებია.

პროდუქტი შეგიძლიათ ნებისმიერ დამოუკიდებელ ლაბორატორიაში შეამოწმოთ — საქართველოში თუ მის ფარგლებს გარეთ. ჩვენ მზად ვართ ნიმუში გადავცეთ პირველივე მოთხოვნაზე.

მოსავალს ვკრეფთ დილის სიგრილეში — ჩვეულებრივ 06:00–10:00 საათებში — სანამ ფოთოლი გახურდება. იმავე დღეს ხდება დახარისხება, შეფუთვა და გაგზავნა.

უმეტეს შემთხვევაში პროდუქტი იმავე დღეს ხვდება დახლზე ან სამზარეულოში. ტრანსპორტირება მიმდინარეობს სამაცივრე მანქანით, მუდმივი 2–4°C-ის დაცვით.

სალათის ფოთოლზე (ბატავია, რომაინი, აისბერგი, ლოლა როზა) მინიმუმია 100 პაკეტი — თითო 300 გრამი. ბროკოლსა და ყვავილოვან კომბოსტოზე — 60 პაკეტი, თითო 500 გრამი.

დიდ მოცულობებზე, რეგულარულ კონტრაქტზე ან შერეულ ასორტიმენტზე ფასსა და პირობებს ინდივიდუალურად ვთანხმდებით. მოგვწერეთ საჭირო მოცულობა და მივაწვდით აქტუალურ პრაისს.

დიახ. ჩვენივე სანერგეში მომზადებული ჩითილი სეზონურად იყიდება — იგივე სტანდარტით, რითაც საკუთარ მინდვრებს ვრგავთ.

რაოდენობა შეზღუდულია სეზონის მიხედვით, ამიტომ ჯიშები და მოცულობა წინასწარ უნდა დაჯავშნოთ. დაგვიკავშირდით და გეტყვით რა არის ხელმისაწვდომი ახლა.

დიახ. ვმუშაობთ ქსელურ სუპერმარკეტებთან, რესტორნებთან, სასტუმროებთან, HoReCa სეგმენტთან და საბითუმო ბაზებთან მთელი საქართველოს მასშტაბით.

მიწოდება ხდება ხელშეკრულებით და ფიქსირებული გრაფიკით — ყოველდღიური ან კვირის რამდენიმე რეისით, თქვენი მოთხოვნის მიხედვით. ფასი და მოცულობა წინასწარ იცით.

შეფუთვისთანავე პროდუქცია გადადის სამაცივრე კამერაში. შემდეგ იტვირთება რეფრიჟერატორში და მთელი გზის განმავლობაში ინარჩუნებს სტაბილურ 2–4°C ტემპერატურას.

სიცივის ჯაჭვი არ წყდება მოკრეფიდან დახლამდე — სწორედ ამიტომ ფოთოლი ხრაშუნას და სიახლეს უფრო დიდხანს ინარჩუნებს.

დიახ, ექსპორტი შესაძლებელია. საიტზე მითითებული ფასები არის EXW რუისი პირობით — ანუ პროდუქტი მზად არის ჩვენს საწარმოში გასატანად.

ექსპორტის პირობები, ლოგისტიკა, მოცულობა და დოკუმენტაცია ინდივიდუალურად ვთანხმდებით. მოგვწერეთ ქვეყანა და სასურველი მოცულობა — გამოგიგზავნით შეთავაზებას.